هلمند کي د لسم، یولسم او دولسم ټولګیو کلنۍ ازمویني پیل شوې
د پوهنې وزارت_هلمند: د پوهنې وزارت د پریکړي پر اساس په ګرمسیرو سیمو کې د لسم، یولسم او دولسم ټولګیو کلنۍ ازمویني پیل شوې.
د هلمند پوهنې رئیس محمد داؤد شاه صفاري د کلنۍ ازمویني د پیل سره سم د یو شمیر ښوونځیو د ازموینو څخه لیدنه وکړه.
ښاغلي صفاري د غربي لښکري بازار نجونو او هلکانو ښوونځیو او شهید عبدالجبار قهرمان لیسې ازموینو څخه لیدنه وکړه.
د هلمند پوهنې رئیس محمد داؤد شاه صفاري د ښوونځیو امرینو ته سپارښتنه وکړه چي د زده کوونکو د ازمویني پوښتني په بیلابیلو ګروپونو کي ترتیب کړي او زیاته یې کړه چي یادي کلنۍ ازمویني به په پوره شفاف ډول واخیستل شي.
همداراز صفاري د ټولو زده کوونکو او ښوونکو نه غوښتنه وکړه چي د آزمویني پر مهال دي ماسک او دستکشي وکاروي تر څو د کرونا ناروغۍ څخه ځان وژغوري.
د یادوني وړ ده چي په ګرمسیرو سیمو کي کلنۍ ازمویني د جوزا میاشتي په لومړۍ نېټه پیلیږي خو د کرونا وبا له امله سږکال کلنۍ ازمویني د سنبلې میاشتي په لومړۍ نېټه پیل شوې.
