په کنړ ولایت کې د شانتي رضاکاري موسسې لخوا په ښوونځیو کې موقتي خونې جوړیږي
د پوهنې وزارت_کنړ: د کنړ پوهنې ریاست په چوکاټ کې شانتي رضاکاره مؤسسه پلان لري، چې په ۲۰۲۱ کال کې دبې سرپنا ښوونځیو لپاره موقتي خونې جوړې کړي.
د پوهنې رییس مجیب الرحمن(همدرد) په وینا د دغه شان مؤسیسو، خیریه بنسټونو، خیریه ټولنو او داسې نورې مرسته کوونکي اداري چې غواړي د پوهنې په تعلمي او بیارغونې په برخو کې له موږ سره مرستې کوې، موږ ورته هرکلی او ښه راغلاست وایو، هغه د شانتي رضاکاره پروژې له مسؤلینو غوښتنه وکړه، چې موږ په کنړ کې ۵۱۲ بابه ښوونځي لرو، چې له دغې جملې څخه یی څه د پاسه ۳۰۰ سرپنا نه لري، مهاجرینو ماشومانو لپاره د قرطاسیي نه شتون او په ځینو ښوونځیو کې صحي اوبه، احاطې دیوالونه او درسي کتابونو ستونزو سره مخ یو.
دشانتي رضاکاره پروژې مسؤل ډاکټر جاوید ساپي وویل: زموږ پروژې د کنړ ولایت په بېلابېلو برخو کې کار کړی، چې په ۲۰۱۹ کال کې موږ CBE محلي ټولګي جوړ کړي اوس مهال په سالارباغ او ساګي ښوونځیو کې د موقتو خونو جوړولو باندې کار روان دی، چې په جوړولو سره به یې ۱۴۶۰ تنه زده کوونکي برخمن شي او د بې سرپنا ستونزه یي حل شي.
همدا راز نوموړي وویل: د دې مالي لکښت جاپان هېواد ورکوې، چې په راتلوونکي ۲۰۲۱ کال کې موږ پلان لرو چې خپلې مرستې د پوهنې په برخه کې لازیاتې کړو اوپه ښوونځیو کې موقتي خونې جوړي کړو، چې ترڅو د زده کوونکي ستونزې حل شي.
