د غزني ولایت د ښوونځیو زده کوونکو ته د کرونا ویروس د خپریدو د مخنیوي په موخه ورکشاپ ورکړل شو

media-moe
Sun, Oct 18 2020 9:40 AM
د غزني ولایت د ښوونځیو زده کوونکو ته د کرونا ویروس د خپریدو د مخنیوي په موخه ورکشاپ ورکړل شو

د پوهنې وزارت_غزني: د غزني ولایت په مرکز پورې اړوند ښوونځیو کې د کرونا ویروس د خپریدو د مخنیوي په موخه ورکشاپ په لاره واچول شو.

ياد ورکشاپ د یونیسف موسسې لخوا د غزني ولایت په مرکز پورې اړوند ښوونځیو ته د پوهنې ریاست په همغږۍ جوړ شوی، چې شاو خوا ۱۰۰۰ تنه د دولسم ټولګي زده کوونکي به د کرونا ویرس د خپریدو د مخنیوي پر موخه د عامه پوهاوي تریننګ وویني.

یاد ورکشاپ د پوهنې ریاست او یونیسف موسسې استازو په شتون کې د جهان ملکې د ښوونځې په انګړ کې پیل شو.

د پوهنې ریاست د نشراتو مدیر شفیق الله قاري زاده یاد ورکشاپ د کرونا ویروس د مخنیوي پر موخه اغیزناک وباله، او د ټولو ګډون والو نه یې وغوښتل چې په ورکشاپ کې زده کړل شوي مسیجونه باید د ټولنې له نور غړو سره شریک شي، تر څو په ټوله کې د غزنی ولایت اوسیدونکي د کرونا ویروس په اړه پشپړ معلومات ولري.

د یونیسف موسسې استازي ویس وردګ هم د خپلو خبرو په لړ کې زیاته کړه چې ښوونځي د ټولنې یوه برخه ده چې د هرو مختلفو سیمو نه زده کوونکي لری، او ضرورت یې وباله چې د ټولنې دې سترې برخې ته د کرونا ویروس په اړه تریننګ ورکړل شی تر څو دوی وکولای شي د یاد ټریننګ مسیجونه په ټولنه کې تیت او د خلکو عامه پوهاوی د یاد ویروس پر وړاندې لوړ شی.

Latest news

Fri, Jul 31 2020 6:00 AM
Background image

Eid Greetings

On behalf of the Ministry of Education of the Islamic Republic of Afghanistan, I would like to extend my heartfelt greetings on the special occasion of Eid-Ul-adha.

May we celebrate. . .

BACK TO NEWS