په بامیان ولایت کې د ذکریا فولادی لېسي د نوي ودانۍ د بنسټ ډبره کیښودل شوه
د پوهنې وزارت_بامیان: د بامیان ولایت د مرکز اړوند د ذکریا فولادی د هلکانو لېسي د ودانۍ د بنسټ ډبره د نوموړي ولایت دوالي سید انور رحمتی، د پوهنې ریاست سرپرستي او تدریسي مرستیالي لخوا په داسي حال کې چې د امنیه قومندان زبر دست صافی، د ملی امنیت رییس، د (UNHCR) اداري استازي، قومي مشرانو، ښوونکو او زده کوونکو ګډون درلود کیښودل شوه.
د یاد ښوونځي ودانۍ، چې ۱۲ درسي ټولګي، ۴ اداري خونې، د کمپیوټر لب، کتابخانه، ۵ غرفي تشنابونه، او نورې اړوندې ټولې ښوونیزې آسانتیاوې به ولري، د شاوخوا ۲۱ میلیونه ۳۶۰ زره افغانیو په لګښت به د ملګروملتونو د کډوالو ادارې (UNHCR) په مالي مرسته جوړیږي. چې د ښوونځي د نوې ودانۍ له جوړېدو او پرانېستو سره به د یاد ښوونځي ۶۲۲ تنو زده کوونکو ته د زده کړو خوندي درسي چاپېریال برابر شي.
د بامیانو والي سید انور رحمتي د نوې ودانۍ د جوړیدو له امله د مبارکۍ ویلو پرمهال له قراردادي شرکت څخه وغوښتل چې د با کیفیته ودانۍ جوړولو لپاره خپلې هڅې وکړي. ښاغلي رحمتي د خلکو شورا او د زده کونکو له والدینو څخه هم وغوښتل چې د ودانۍ د رغولو چارې به په بشپړ ډول وڅاري او د ستونزو په صورت کې دې پوهنې ریاست ته راپور ورکړي.
د پوهنې ریاست سرپرستي فوزیه محیبي د ملګروملتونو د کډوالو ادارې د مرستې او همکاری نه مننه او قدرداني وکړه او زیاته یې کړه چې د (UNHCR) دفتر همدا اوس په بامیان ولایت کې د دریو ښوونځیو جوړولو په پروژه کار کوي.
