د لوګر د څرخ ولسوالۍ د ښوونځيو له زده کوونکو سره د درسي توکو مرسته وشوه
پل علم
د لوګر د پوهنې رياست د وياند دفتر
دوشنبې، مرغومي٢٠ مه، جمادي الثاني ٦ مه
د لوګر ولايت د څرخ ولسوالۍ د نجونو او هلکانو د ٣٠ ښوونځيو له ٧٧١٥ زده کوونکو سره د اړتيا وړ درسي توکو مرسته وشوه.
له زده کوونکو سره دغه مرسته د پوهنې رياست د چارواکو په غوښتنه د يونيسف او آى، آر، سي مٶسسو له خوا شوې ده.
په ياده مرسته کې د کتابونو بيکونه،کتابچې، پنسلونه،رنګې،پنسل تراشونه، پنسل پاکونه، د ليکنې وړې تختې، د اوبو پتکونه او ماسکونه شامل دي.
هر زده کوونکي ته د کتابونو يو بيک، ٧ کتابچې، ، ٦ پنسلونه،٣پنسل پاکونه، ٣ پنسل تراشونه، د ليکنې يوه تخته،٢ قوطي رنګې د اوبو يو پتک او ١٢ ماسکونه ور کړل شوي دي.
د لوګر د پوهنې رئيس ښاغلى مولوي جنت ګل عزيز له يادې مرستې د مننې او خوښي ښودلو تر څنګ د پاتې ولسواليو زده کوونکو ته هم د ورته مرستې غوښتنه کوي.
د يادونې وړ ده،چې له دې مخکې هم يادو مٶسسو د مرکز پل علم او محمدآغې ولسوالۍ د ١٠٠ ښوونځيو له ١١٢٩ ښوونکو او ٥٠ زرو زده کوونکو سره د درسي توکو مرسته کړې ده.
