د پوهنې وزارت د ښوونې او روزنې معین د نصاب او ښوونکو د مسلکي پراختیا له عمومي ریاست څخه لیدنه وکړه
د پوهنې وزارت د ښوونې او روزنې معین الحاج مولوي سخاء الله سعید د یو پلاوي په مشرۍ د یاد وزارت د نصاب او ښوونکو د مسلکي پراختیا له عمومي ریاست څخه لیدنه وکړه.
لومړی د ریاست مسئولینو معین صاحب ته ښه راغلاست ووایه او د یاد ریاست د ورځنیو چارو په هکله یې نوموړي ته معلومات ورکړل.
معین صاحب د یاد ریاست د مسئولینو او کارمندانو هلې ځلې وستایلې او زیاته یې کړه، چې نصاب د تعلیمي نظام د زړه حیثیت لري، باید د یاد عمومي ریاست او اړوندو ریاستونو مسئولین او کارمندان خپلو چارو ته پوره متوجه واوسي او خپلو دندو ته په خپل ټاکلي وخت او منظم ډول حاضر شي.
وروسته د نصاب عمومي ریاست مسئولینو او کارمندانو د معین صاحب له راتګ څخه مننه وکړه او له نوموړي سره یې خپل وړاندېزونه شریک کړل.
