د کندهار له پوهنې ریاست څخه خبرونه
دکندهار ولايت د پوهنې رئيس مولوي فخرالدين نقشبندي له ملګري پلاوي سره د دغه رياست د ساينس او تکنالوژۍ له ښوونيز مرکز څخه ليدنه وکړه .
نوموړي د دغه مرکز د استادانو د کړنو د ستاینې پرمهال ژمنه وکړه، چې یاد ښوونیز مرکز او د دغه ولایت د ښوونځیو لابراتوارونه به په اړینو وسایلو او تجهیزاتو سمبال کړي.
د کندهار ولايت د پوهني رئيس الحاج مولوي فخرالدين نقشبندي د نجوم الهدی د دارالعلوم د ٤٨ تنو د قرانکریم د فارغانو د فراغت په مراسمو کي ګډون وکړ او فارغانو ته يې د مبارکۍ ترڅنګ له خلکو وغوښتل چي خپل اولادونه زده کړو ته وهڅوي او د پوهني له نظام څخه ملاتړ وکړي. د ښوونې او روزنې د نظام د بډاینې او د هیواد د پوهنې په برخه کې باید تر پخوا زیاتې هڅې وشي.
د SHAO موسسې په مالي مرسته د کندهار ولایت د غورک ولسوالۍ د پوهنې آمریت د لمریزې برېښنا په سیستم سمبال شو. د يادې شوې ولسوالۍ د پوهنې آمر له يادې ادارې څخه مننه وکړه او ويې ويل: د لمريزې برېښنا د سيسټم په نصبولو سره د يادې ادارې د ستونزو ډېره برخه لرې شوه.
د کندهار د پوهنې رئیس د دغه ولایت میوند ولسوالۍ ته د یوه کاري سفر په ترڅ کې د دې ولسوالۍ د پوهنې له مسوولینو او د ښوونځیو له مدیرانو سره د پوهنې د چارو د ښه والي په موخه خبرې وکړې.
په دې وروستيو کې احمدالله هوتک د کندهار ښار د شهيد عظيم الله لېسې د اجرایوي مدير په توګه وټاکل شو او د دغه ښار د تعلیمي څارنې د آمر حافظ مولوي معاذ الله له خوا خپلو همکارانو ته ور وپېژندل شو.
