له ولایتونو څخه د پوهنې لنډ خبرونه
کابل
د کابل ولایت پوهنې رئیس مولوي عبدالحق حقاني د پغمان ولسوالۍ د کشک لېسې له اداري او تدریسي چارو څخه څارنه وکړه او د ښوونیز وضعیت د لاښه والي په موخه یې د یادې لېسې مسئولینو ته لازمې لارښوونې وکړې.
لوګر
د لوګر ولایت پوهنې ریاست د یاد ولایت د کانکو آزموینې ۱۳۰ تنه ممتاز زده کوونکي د یو لړ شاندارو مراسمو په ترڅ کې وستایل.
ويناوالو د کانکور آزموينې ګټونکو او د هغوى کورنيو ته د مبارکۍ ویلو تر څنګ، وويل چې د هېواد د پرمختګ او ځان بساینې يوازينۍ لار ښوونه او روزنه ده.
د یو بل خبر له مخې:
د لوګر ولایت پوهنې ریاست د ساینس او ټکنالوژۍ مدېریت د یاد ولایت د خوښۍ ولسوالۍ د ۱۳ ښوونځیو ۵۰ تنو ښوونکو ته د ظرفیت لوړونې سیمینار دایر کړ.
هلمند
د هلمند ولايت پوهنې رئيس الحاج مولوي محمد عوض انصاري، د یاد ریاست له اړوندو کارکوونکو سره ليدنه وکړه او له هغوى سره يې د ياد رياست په نوي تشکيل کې د بدلون او د پوهنې په برخه کې د همکارو ادارو د فعاليتونو په اړه خبرې وکړې.
لغمان
په دې وروستيو کې عبدالرحمن رحيمي، د لغمان ولايت د پوهنې رياست د کيفيت تضمين مدېر په توګه وټاکل شو او د یاد رياست د ښوونې او روزنې آمر له لوري خپلو همکارانو ته ور وپېژندل شو.
