د ولایتونو له پوهنې ډګره څو لنډ خبرونه
غزني
د غزني ولایت قرباغ ولسوالۍ قومي مخورو د یاد ولایت له پوهنې رئیس الحاج مولوي میر نصیر احمد حسیني سره وکتل.
دواړو لورو د ښوونیزو بنسټونو د فعالولو او د پوهنې پر وړاندې د شته ننګونو د حل په تړاو خبرې وکړې.
په پای کې د پوهنې رئیس د هېواد بچیانو ته د زده کړو په برخه کې د لازیاتو آسانتیاوو برابرولو ژمنه وکړه.
زابل
د زابل ولایت مرکز کلات ښار له عامه زندان څخه ۱۰۰ تنه زندانیان د سواد زده کړې له شپږ میاشتني کورس څخه فارغ شول.
ننګرهار
په ننګرهار ولایت کې یو خیریه بنسټ د مرکز جلال آباد ښار د ۸ بابه ښوونځیو په ۲۱۵۰ زده کوونکو ګرمې جامې او خوراکي توکي ووېشل.
د یو بل خبر له مخې:
د ننګرهار ولایت پوهنې ریاست په یاد ریاست کې د ۱۰ خالي بستونو د ډکولو په موخه، له ۶۶۷ تنو نوماندانو څخه رقابتي آزموینه واخیسته.
په پام کې ده، چې د معیاري نمرو لرونکي کسان په ښوونځیو کې د ښوونکو په توګه وګمارل شي.
همدرانګه:
د ننګرهار ولایت په کوټ ولسوالۍ کې یوه خصوصي سوداګریز شرکت د شهید اشنغر ښوونځي د زده کوونکو د تدریس لپاره ۵۰ تختې او لوډسپیکر مرسته وکړه.
د یاد عالي لېسې ادارې د دغه شرکت له همکارۍ مننه او قدرداني وکړه.
