د ولایتونو پوهنې کړنو ته لنډه کتنه
هرات
د عاطفي خیریه بنسټ، د هرات ولایت په چشت شریف ولسوالۍ کې، په ۲۰۰ تنو یتیمو او اړمنو زده کوونکو لاسي بکسونه، درسي توکي او جامې وویشلې.
کندوز
د کندوز ولایت د پوهنې ریاست کارپوهانو د یاد ولایت د ښوونځیو د ۲۴۲ تنو ښوونکو لپاره، د "اغېزمنې ښوونې او روزنې د پراختیا" تر سرلیک لاندې د وړتیا لوړونې ۱۲ ورځنی روزنیز سیمینار پیل کړ.
بدخشان
د بدخشان ولایت پوهنې ریاست په مدارسو او دارالحفاظونو کې د یوزره ۸۸۰ خالي تدریسي او اداري بستونو د ډکولو په موخه، له نوماندانو څخه رقابتي آزموینه واخیسته.
بامیان
د بامیان ولایت پوهنې رئیس الحاج مولوي رحمت الله قندیلي، د یاد ولایت د توپچي او مرکز اړوند ښوونځيو له تدریسي او اداري چارو څخه څارنه وکړه او د بېلګې په توګه یې د یو شمېر زده کوونکو د زده کړې کچه وارزوله.
زابل
د زابل ولایت د پوهنې ریاست روزونکو، د یاد ولایت د مرکز کلات ښار او شاجوی ولسوالۍ د ۲۲۲ ښوونځیو ښوونکو ته د "اغېزمن تدریس او زده کړې د پراختیا" تر سرلیک لاندې د وړتیا لوړونې ۱۲ ورځنی روزنیز سیمینار پیل کړ.
