د ولایتونو پوهنې کړنو ته لنډه کتنه
بامیان
د باميان ولايت پوهنې رئيس الحاج مولوي رحمت الله قنديلي، د یاد ولايت شيبر ولسوالۍ اړوند د کالو، غرغره د هلکانو لېسو، د مهديه کالو مدرسې او د يو شمېر ښوونځيو د کتابتونونو له تدريسي او اداري چارو څخه څارنه وکړه او د يادو ادارو له مسئولينو سره يې د ښوونیز وضعیت لاښه والي په تړاو تفصیلي خبرې وکړې.
هرات
د هرات ولايت پوهنې رئيس مولوي رحمت الله جابر د پښتون زرغون ولسوالۍ له يو شمېر مدارسو او ښوونځيو څخه ليدنه وکړه او د پوهنې له مسئولينو، قومي مشرانو او د ښوونځيو د شوراګانو له غړو سره يې د جلا کتنو په ترڅ کې، د يادې ولسوالۍ د پوهنې عمومي وضعيت وڅېړه.
سرپل
د سرپل ولایت د کوهستانات ولسوالۍ د ښوونځیو زده کوونکو ته د ۱۹ زره ۲۶۸ ټوکه درسي کتابونو د وېش بهیر پیل شو.
لغمان
د لغمان ولایت د پوهنې ریاست د څارنې پلاوي، د یاد ولایت د دولت شاه ولسوالۍ د ښوونکو د روزنې او د مورا منځني ښوونځي د زده کوونکو له ټولګیو څخه څارنه وکړه.
خوست
د خوست ولايت پوهنې رياست مسئولينو او د پوهنې په برخه کي د یو همکار بنسټ داستازو ترمنځ، په یاد ولايت کې دپوهنيزو پروګرامونو او کړنو دزياتې همغږۍ په باب خبرې وشوې او لازمې پرېکړې وشوې.
