په لوګر ولایت کې یو باب دیني مدرسه تاسیس شوه
د لوګر ولایت بره کي برک ولسوالۍ اړوند په پناه ګزین کلي کې، د حضرت عبدالله ابن عباس (رضی الله عنه) د مدرسې جوړولو چارې بشپړې او د یو لړ مراسمو په ترڅ کې د پوهني رياست مشرتابه، ديني علماوو، سپن ږیرو او د سيمي د خلکو د استازو په حضور کې ګټې اخستنې ته وسپارل شوه.
د مدرسې دغه ودانۍ يوه اداري خونه او ۲ درسي ټولګي لري، چې د بره کي برک ولسوالۍ د اوسېدونکو له خوا په دوه جرېبه ځمکه کې جوړه شوې ده.
د يادونې وړ ده، چې د دغې مدرسې لپاره ځمکه هم د یاد کلي د خلکو له لوري ورکړل شوې ده.
همدارنګه په نوې تاسیس شوې دیني مدرسه کې شاوخوا ۱۰۰ تنه زده کوونکي په زده کړو بوخت دي.
د پوهنې وزارت مشرتابه د پوهنې په برخه کې د لوګر ولایت د خلکو له همکارۍ مننه وکړه.
