دولایتونو پوهنې کړنو ته لنډه کتنه
سمنګان
د سمنګان ولایت پوهنې رئیس مولوي محراب الدین اقبال، د یو همکار بنسټ له مسئولینو سره، په دره صوف بالا او پایین ولسوالیو کې د ۱۰۰ بابه سیمه ییزو ټولګیو د جوړولو او د هغو د کړنو څرنګوالي په تړاو تفصیلي خبرې وکړې.
بغلان
د بغلان ولایت پوهنې رئیس الحاج مولوي محمد نور عزیزي، د یو همکار بنسټ په ملاتړ د مرکزي بغلان ولسوالۍ د یو شمېر ښوونځیو ښوونکو لپاره له جوړ شوي سیمینار څخه څارنه وکړه.
کندوز
د کندوز ولایت پوهنې ریاست د یو ملاتړ بنسټ په همکارۍ، د یاد ولایت په مرکز او علي آباد ولسوالۍ کې د اصولو صنفي ټولګیو ۱۵۰ تنو ښځینه ښوونکو ته د وړتیا لوړونې ۱۲ ورځنی ورکشاپ پیل کړ.
فراه
د فراه ولایت پوهنې رئیس الحاج مولوي اختر محمد زعیم، د ابوذر غفاري دارالعلوم اداري او تدریسي چارې وڅارلې.
بامیان
د سواد زده کړې لپاره د دیني علومو د الفبا د کتاب په اړه مشورتي غونډه، د یاد ولایت د پوهنې رئیس قاري عنایت الله سهار تر څارنې لاندې جوړه شوه.
