د پوهنې وزارت سرپرست د کابل ښار له اماني عالي لېسې څخه لیدنه وکړه

media-moe
Tue, Jul 09 2024 3:40 PM
asdf

د پوهنې وزارت سرپرست الحاج مولوي حبیب الله آغا او مل پلاوي یې د هېواد له مداسو او ښوونځیو څخه د لیدنو په ترڅ کې، نن د کابل ښار اماني عالي لېسې له مسئولینو او منسوبینو سره وکتل.

د پوهنې وزارت سرپرست او ورسره مل پلاوی یې اماني عالي لېسې ته په داخلېدلو سره، د یادې لېسې د مسئولینو، استادانو او زده کوونکو له خوا د تود هرکلي سره مخامخ شو.

په ورته مهال نوموړي په ​​هغه کتنه کې چې د اماني عالي لېسې له تدریسي -- اداري پرسونل او زده کوونکو سره یې درلوده، د دیني او عصري علومو د زده کړې اهمیت ته اشاره وکړه او ویې ویل: د انسان بدن دوه ډوله غذاوو ته اړتیا لري، چې یو یې خواړه او بل یې روحي غذا (علم) دی او زیاته یې کړه، بې له شکه چې د علم زده کړه به تاسو په ځان بسیا او خپلواک کړي، ځکه چې د خپلواکۍ یوه ورځ ژوند د غلامۍ تر زرو ورځو غوره دی.

د پوهنې وزارت سرپرست زده کوونکو ته په خطاب کې وویل: تاسو د افغانستان د راتلونکي معماران او رهبران یاست او د رسول الله «صلی الله علیه وسلم» مبارک حدیث ته په اشارې سره یې وویل: « خَيرُ النّاسِ مَن يَنفَعُ النّاسَ »: او څرګنده یې کړه پر تاسو ته لازمه ده، چې علم زده کړئ، ترڅو د خپل هېواد او ملت خدمت وکړئ او د هغو له فیض څحه خلکو ته خیر ورسوئ.

همدارنګه نوموړي د هېواد بچيانو لپاره د متوازنو ښوونيزو آسانتياوو د برابرولو د پلانونو په اړه معلومات وړاندې کړل؛ له مسئولينو او استادانو يې وغوښتل، چې ځوانان په اسلامي روحیه او هېواد ته د خدمت کولو په ذهنیت سره وروزي.

دغه راز د نورو په استازيتوب د يادې لېسې آمر د هېواد بجیانو ښوونې او روزنې په برخه کې، د پوهنې وزارت له مشرتابه په ځانګړې توګه د یاد وزارت د سرپرست الحاج مولوي حبيب الله آغا د پاملرنې له امله مننه وکړه.

ورپسې د پوهنې وزارت سرپرست د یادې لېسې د زده کوونکو له څلور نیم میاشتنیو آزموینو بهیر څخه هم لیدنه وکړه.

Latest news

Tue, Jul 02 2024 9:19 AM
Background image

the Acting Minister of Education visited Paktia Province

AlHaj Mawlawi Habibullah Agha, the Acting Minister of Education, as part of his provincial visits to assess the educational and training conditions in the country's provinces, has now. . .

Mon, Jun 24 2024 11:40 AM
Background image

Dr. Farooq Wardak, the former Minister of Education, met with Al-Haj Mawlawi Habibullah Agha, the Acting Minister of Education

During this meeting, the former Minister of Education, after expressing his gratitude for the time allocated for this meeting, praised the Ministry of Education's achievements in the. . .

Mon, Jun 24 2024 11:25 AM
Background image

Inauguration of a madrassa building in Farah Province with Public Donations

A religious scholar in Farah Province, utilizing two million Afghanis, has constructed the Abdullah bin Mubarak (may Allah be pleased with him) madrassa. This building was inaugurated. . .

BACK TO NEWS