پوهنیز نظام سره د عامو خلکو ملاتړ دوام لري
میدان وردګ:
د ميدان وردګ ولايت د جغتو ولسوالۍ يو تن دیندار او معارف دوست شخصيت حاجي بريالي په ياده ولسوالۍ کې د الفاروقيه مدرسې لپاره ١٨ زره افغانۍ نغدي مرسته وکړه.
دغه راز دهمدغه ولسوالۍ يو شمېر نورو اوسېدونکو هم د یادې مدرسې لپاره د ٦٩ متره مربع په اندازه فرش وپېره.
د يو بل خبر له مخې: د جغتو ولسوالۍ یو تن علم پروره اوسېدونکي د يادې ولسوالۍ د غازي محمد جان خان عالي لېسې درسي ټولګيو لپاره د سل ډالره په ارزښت د درسي تختو مرسته وکړه.
د پوهنې وزارت مشرتابه له ښوونیز نظام سره د میدان وردګ ولایت د خلکو له مرستو مننه کوي.
