د پوهنې وزارت مالي او حسابداري رئیس کندوز ولایت سفر وکړ
د پوهنې وزارت مالي او حسابداري رئیس مولوي صدرالدین سعد د کندوز ولایت د پوهنې ریاست د مالي، اداري، ساختماني چارو، د لګښتونو او تدارکاتي چارو د څارنې په موخه، یاد ولایت ته ولاړ. نوموړي د دغه ولایت له پوهنې رئيس مولوي حزب الله مبشر او مسئولینو سره په کتنه کې، د خپل سفر پر موخو او د علاقې وړ موضوعاتو په اړه تفصیلي خبرې وکړې. په پیل کې د همدغه ولایت پوهنې رئیس د پوهنې وزارت مالي او حسابداري رئیس ته د ښه راغلاست ترڅنګ ډاډ څرګند کړ، چې د کندوز ولایت پوهنې ریاست به د دغه پلاوي د سفر د موخو د پلي کولو په برخه کې د لازمو آسانتیاوو په برابرولو کې همکاري وکړي.
