په کاپيسا ولايت کې د خلکو له لوري د ۸ مېليونه افغانيو په ارزښت يوه دیني مدرسه جوړه شوه
د کاپيسا ولايت محمود راقي اوسېدونکو چې پخوا يې د دغه ولايت په مرکز کې د "جامعة الاسلاميه المنصوريه" مدرسې جوړولو په موخه دوه جرېبه ځمکه وقف کړې وه، اوسمهال د سیمې د خلکو لخوا د یادې مدرسې لپاره نوې ودانۍ د ۸ مېليونه افغانيو په لګښت ورغول شوه.
د مدرسې دغه نوې ودانۍ چې له نورو اړينو ملحقاتو سره ١٤ درسي خونې لري، په پاخه او اساسي ډول سره جوړه شوې ده.
د پوهنې وزارت مشرتابه د پوهنې په برخه کې د کاپیسا ولایت د خلکو له مرستو مننه کوي.
