د پوهنې وزارت د دعوت اوارشاد رئیس بدخشان ولایت ته په رسمي سفر ولاړ

media-moe
Wed, Oct 30 2024 11:38 AM
dfssssg

د پوهنې وزارت د دعوت او ارشاد رئیس مولوي جمعه خان سروري بدخشان ولایت ته د خپل رسمي سفر په ترڅ کې، د یاد ولایت د پوهنې رئیس الحاج مولوي نصرت الله فیضاني، د یو شمېر کلیدي ادارو مسئولینو او کارکوونکو سره وکتل.

په پیل کې د یاد ولایت پوهنې رئیس د پوهنې وزارت د دعوت او ارشاد رئیس او ورسره مل پلاوي ته ښه راغلاست ووایه او د دغه ریاست د دندو په اړه یې لنډ راپور د دعوت او ارشاد پلاوي ته وړاندې کړ.

په ورته مهال د پوهنې وزارت د دعوت او ارشاد رئيس بدخشان ولايت ته د خپل سفر د موخو په اړه خبرې وکړې او ويې ويل، ديني زده کړې د ټولنې په هر اړخیز پرمختګ او اصلاح کې تر ټول مهم او کلیدي نقش لري.

نوموړي څرګنده کړه: دعوت او ارشاد د اسلام د سپېڅلي دين یو له بنسټیزو دندو څخه دی، چې د همدې لپاره پيغمبران «عليهم السلام» رالېږل شوي دي.

د دعوت او ارشاد رئیس د یاد ولايت د پوهنې له مسئولينو وغوښتل، چې د اسلام د ستر لارښود حضرت محمد«صلی الله علیه وسلم» د سنتو پلي کولو ته جدي پاملرنه وکړي او له هغو سره سم خپل صورت او سیرت برابر کړي.

نوموړي همدا راز لارښوونه وکړه، چې د يادې ادارې استازي دې د ولسواليو ټولو ښوونځيو او پوهنې آمریتونو ته د مبلغینو په توګه ور وپېژندل شي.

په پای کې د بدخشان د پوهنې ریاست مسئولینو د دعوت او ارشاد د ټولو لارښوونو او فرمانونو د پلي کولو ډاډ څرګند کړ.

Latest news

Sat, Jun 28 2025 3:31 PM
Background image

Online Conference of the Acting Minister of Education with Provincial Education Directors Focused on the Benefits of the “BRID” System

The Honorable Alhaj Mawlawi Habibullah Agha, Acting Minister of Education, in the presence of several central directors of the Ministry, praised the establishment of the “BRID” system. . .

Wed, Jun 18 2025 2:52 PM
Background image

Meeting of Several Provincial Education Directors with the Acting Minister of Education

On behalf of others, the Education Directors of Kabul, Maidan Wardak, Bamyan, Kapisa, Ghazni, and Logar provinces met with the esteemed Alhaj Mawlawi Habibullah Agha, Acting Minister of. . .

BACK TO NEWS