د پوهنې وزارت د کیفیت تضمین معین د غزني ولایت قره باغ ولسوالۍ اړوندو ښوونځیو د زده کوونکو له آزموینو بهیر څخه لیدنه وکړه
د پوهنې وزارت د کیفیت تضمین معین الحاج مولوي عبدالخالق صادق، د غزني ولایت له پوهنې رئیس الحاج مولوي میر نصیر احمد حسیني سره په ګډه، د قره باغ ولسوالۍ د سلطان محمود عالي لېسې د زده کوونکو آزموینو بهیر څخه لیدنه وکړه.
نوموړي له ښوونکو او زده کوونکو سره له نږدې خبرې وکړې، د هغوی وړاندیزونه یې واورېدل او زیاته یې کړه، چې د آزموینو اخیستلو پروسه باید شفافه او معیاري وي، تر څو د زده کوونکو استعدادونه په ښه ډول وارزول شي.
د يادې لېسې زده کوونکو او پرسونل د پوهنې وزارت له معین او مسئولينو سره د ليدنې او د آزموينې له بهير څخه د څارنې د قدردانۍ ترڅنګ ډاډ ورکړ، چې دغه آزموينې به د پوهنې وزارت په ټاکلو معيارونو سره پلي کړي.
