د ولایتونو پوهنې خبرونو ته لنډه کتنه
- بدخشان:
د بدخشان ولایت په خاش ولسوالۍ کې د مدارسو او ښوونځيو مدرسینو او ښوونکو لپاره "د اغېزمن تدریس او مؤثرې زدهکړې" تر سرلیک لاندې روزنیز ورکشاپ پیل شو، چې د ۶ ورځو لپاره به دوام ولري.
- بغلان:
د بغلان ولایت پوهنې رئیس الحاج مولوي محمد نور «عزیزي»، د یاد ولایت ډنډ غوري ولسوالۍ اړوند یو باب مدرسه کې د ۳۹ تنو حافظانو او علماءکرامو د فراغت په مراسمو کې له مسئولینو وغوښتل، چې په خپلو تدریسي چارو کې د پوهنې وزارت له نصاب څخه کار واخلي.
- غزني:
د غزني ولایت آب بند ولسوالۍ د ښوونځیو او مدارسو مدیرانو لپاره د "مالي مدیریت، محاسبې روڼتیا او د بودیجې د لګښت د مقرراتو تنظیم" تر سرلیک لاندې یو سیمینار پرانیستل شو.
- نیمروز:
د پوهنې وزارت د کیفیت تضمین معینیت د څارنې او ارزونې ریاست کارپوهانو لخوا، د نیمروز ولایت پوهنې رئیس الحاج مولوي ګل احمد «حقاني» په حضور کې، د مرکز او ولسوالیو پوهنې آمریتونو د ۲۰ تنو کارکوونکو وړتیا لوړولو او آنلاین راپور ورکولو سیسټم پلي کولو لپاره " د مؤثق راپور ورکولو" تر سرلیک لاندې ۴ ورځنی روزنیز ورکشاپ پیل شو.
