د ا.ا.ا. د نظامي اصلاحاتو کمېسیون مسئول د پوهنې وزارت د اسلامي زدهکړو له معین سره وکتل
د افغانستان اسلامي ا/مارت د نظامي اصلاحاتو کمیسیون مسئول مولوي عبدالرحمن منیر، د پوهنې وزارت د اسلامي زدهکړو له معین الحاج مولوي کرامت الله آخندزاده سره وکتل.
په یاده کتنه کې، مولوي عبدالرحمن منیر د مدارسو او دارالحفاظونو د رول په اړه د بحث په ترڅ کې، یاد مرکزونه د اسلام مقدس دین بنسټ وباله او زیاته یې کړه: "د اسلامي ټولنې بنسټیز جوړښت له همدغو مرکزونو څخه پیل کېږي."
له بلې خوا، د پوهنې وزارت د اسلامي زده کړو معین د هېواد د نظامي اصلاحاتو کمېسیون رئیس ته ښه راغلاست ووایه، د مدارسو او دارالحفاظونو په اړه یې مسلکي معلومات وړاندې او یاد کمېسیون ته یې د بشپړې همکارۍ ډاډ ورکړ.
