د کرنې، اوبو لګولو او مالدارۍ وزارت څخه پوهنې وزارت ته ۳۰ جرېبه ځمکه ولېږدول شوه
په هغه غونډه کې چې پکې د پوهنې وزارت د ودانیو او املاکو د ساتنې او د کرنې، اوبو لګولو او مالدارۍ وزارت د ځمکو د عمومي اراضي او وېش رئیسانو ګډون درلود، پوهنې وزارت کې د تعلیمي زیربناوو د ملاتړ او پراختیا په اړه د افغانستان د اسلامي ا.مارت د مشرتابه عالي مقام د حکم سره سم، د کرنې، اوبو لګولو او مالدارۍ وزارت په رسمي ډول د پکتیکا ولایت په مرکز ښرنه ښار کې ۳۰ جرېبه ځمکه د ج.هادي مدرسې جوړولو لپاره پوهنې وزارت ته انتقال کړه.
د پورته ذکر شوې ځمکې اسناد د کرنې، اوبو لګولو او مالدارۍ وزارت د ځمکو د عمومي اراضي او وېش د رئیس محترم مولوي سید محمد سعید او د پوهنې وزارت د ودانیو او املاکو د ساتنې د رئیس محترم مولوي سمیع الحق حماس لخوا لاسلیک او په رسمي ډول یاد وزارت ته وسپارل شول.
د پوهنې وزارت مشرتابه د تعلیمي او پراختیایي پروګرامونو لپاره د رسمي ادارو او د افغان علم پروره ملت له ملاتړ څخه مننه او قدرداني کوي.
