د کونړ ولایت د ښوونځیو مسئولینو لپاره مسلکي سیمینار پیل شو
د کونړ ولایت د مرکز او ولسوالیو د ښوونځیو مدیرانو او سرښوونکو لپاره مسلکي سیمینار، د پوهنې وزارت د ښوونکو مسلکي پراختیا رئیس محترم مولوي محمد ابراهیم عمري او د یاد ولایت پوهنې چارواکو په حضور کې پیل شو.
د پوهنې وزارت د ښوونکو مسلکي پراختیا رئیس د دغه سیمینار د رول او اهمیت په اړه خبرې وکړې او له ګډونوالو یې وغوښتل چې له سیمینار څخه ترلاسه کړي مهارتونه په خپلو دندو کې پلي کړي.
د سیمینار ګډونوالو هم د داسې علمي او مسلکي پروګرامونو له پیل څخه خوښي څرګنده او د ورته نورو پروګرامونو ترسره کولو غوښتنه یې وکړه.
