په غزني ولایت کې د یو باب ښوونځي د ودانۍ بنسټ ډبره کېښودل شوه
د غزني ولایت مقر ولسوالۍ اړوند د بلال حبشي "رضی الله عنه"لومړني ښوونځي د نوې ودانۍ بنسټ ډبره، د پوهنې چارواکو، علماءکرامو او د خلکو استازو په حضور کې کېښودل شوه.
دغه ودانۍ چې پکې شپږ درسي ټولګي او نور اړین ملحقات شامل دي، د خلکو په ملاتړ څه د پاسه یو مېلیون افغانیو لګښت سره جوړېږي.
د یادونې وړ ده چې د پورته ذکر شوې ودانۍ په بشپړېدو سره به د سلګونو زدهکوونکو لپاره مناسب تعلیمي چاپېریال چمتو شي.
د پوهنې وزارت رهبري د ښوونیز نظام په برخه کې د خلکو له مادي او معنوي ملاتړ څخه هرکلی کوي.
