سرپل ولایت کې د تعلیمي مرکزونو بیارغونې پروژې څه د پاسه ۴ مېلیونه افغانیو په لګښت سره پیل شوې
پوهنې وزارت، د سرپل ولایت په مرکز او ولسوالیو کې د همدغه وزارت له بودیجې څخه د ۴ مېلیونه ۶ زره ۶۰۹ افغانیو په لګښت د ۷ تعلیمي مرکزونو بیارغونې پروژې پیل کړې دي.
د سرپل ولایت پوهنې رئیس مولوي محمد رحماني په وینا، په یادو پروژو کې د درسي خونو بیارغونه، احاطوي دېوالونو جوړول او اړینو ملحقاتو برابرول شامل دي؛ چې په بشپړېدو سره به د زدهکوونکو لپاره خوندي او معیاري تعلیمي چاپېریال رامنځته او په ښوونځیو کې به د زدهکړې کیفیت لوړ شي.
