په پروان ولایت کې له ۳۰۶ تنو راستنېدونکو کډوالو څخه د سویې د تثبیت ازموینه واخیستل شوه
د پروان ولایت پوهنې ریاست له ۳۰۶ تنو کډوالو ماشومانو څخه د سویې د تثبیت په موخه ازموینه واخیسته.
په همدې مناسبت په جوړو شویو مراسمو کې د یاد ولایت پوهنې چارواکو په خپلو خبرو کې وویل: پوهنې وزارت تل هڅه کوي، هغو ماشومانو او تنکیو ځوانانو ته چې هېواد ته راستنېږي، مساوي تعلیمي فرصتونه برابر کړي، چې د سویې د تثبیت ازموینه یې ښکاره مثال دی.
په پلان کې ده چې ګډونوالو به د تعلیمي کچې له ټاکلو وروسته، د یاد ولایت رسمي ښوونځیو ته معرفي شي، ترڅو خپلو زدهکړو ته دوام ورکړي.
