په ننګرهار ولایت کې د ښوونځیو ۱۷ترمیماتي پروژې پرانیستل شوې
د ننګرهار ولایت په هسکې مېنې، کوټ، سپینغر او اچین ولسوالیو کې د ۱۷ ښوونیزو پروژو د ترمیم چارې، چې ټولیز لګښت یې ۱۲ میلیونه افغانۍ دی، د یوه همکار بنسټ په مالي مرسته بشپړې او په دې وروستیو کې د یاد ولایت پوهنې مسوولینو لخوا پرانیستل شوې.
د مسوولینو په وینا، په دغو پروژو کې د ښوونځیو د ودانیو ترمیم، د احاطوي دېوالونو جوړول، د روغتیایي اسانتیاوو برابرول، د لمریزې برېښنا سیسټمونو لګول او د څښاک پآکو اوبو زېرمې جوړول شامل دي، چې د یادو ښوونځیو د زدهکوونکو او کارکوونکو لپاره یې لازمې اسانتیاوې برابرې کړې دي.
