د ولایتونو د ولسوالیو د معارف آمرینو لپاره د موټرسایکلونو وېش پیل شو
د پوهنې وزارت لخوا د ولسوالیو د پوهنې آمرینو ته د د ۲۳۰ موټرسایکلونو د وېش لړۍ د یوې رسمي غونډې په ترڅ کې پیل شو. په دې مراسمو کې د پوهنې وزارت د مالي او اداري چارو معین محترم مولوي صبغت الله وصیل او د خدماتو رئیس محترم مفتي شفیع الله منصور ګډون کړی و.
د غونډې په پیل کې د پوهنې وزارت محترم مالي او اداري مرستیال د هېواد په کچه د معارف د آمرینو او کارکوونکو د فعالیتونو او خدمتونو ستاینه وکړه او ویې ویل چې یاد وسایط د ولسوالیو د معارف آمرینو د رسمي چارو د ترسره کولو لپاره وېشل کېږي.
وروسته د دې وزارت د خدماتو رئیس هم د یاد پروګرام په اړه معلومات وړاندې کړل او زیاته یې کړه چې د دغو موټرسایکلونو ټولیز شمېر ۴۸۰ عرادو ته رسېږي چې له دې جملې څخه ۲۵۰ عرادې تېر کال وېشل شوي وو او د پاتې ۲۳۰ عرادو نورو موټرسایکلونو رسمي وېش نن پیل شو.
