په غزني کې د ۷۰۰ زره افغانیو په لګښت یو ښوونځي ترمیم او تجهیز وشو
د غزني ولایت د جاغوري ولسوالۍ «چهلباغتو پشي» ښوونځی د سیمهییزو اوسېدونکو په مالي ملاتړ د ۷۰۰ زره افغانیو په لګښت ترمیم او تجهیز شو.
په ترسره شویو ترمیماتي او تجهیزاتي چارو کې د ښوونځي د ودانۍ رنګول، د لمریزې برېښنا سیسټم جوړول، د اداري دفترونو لپاره د مېزونو، څوکیو او فرشونو برابرول او د تشنابونو ترمیم شامل دي. د پوهنې ریاست مسوولینو د ښوونیز بهیر د پیاوړتیا او زدهکوونکو ته د مناسب ښوونیز چاپېریال برابرولو په برخه کې د سیمې د اوسېدونکو له همکارۍ او ملاتړ څخه مننه کړې او د ورته پروژو پلي کول یې د پوهنیز نظام لا پیاوړتیا لپاره مهم بللي دي.
