د پوهنې وزارت خبرتیا
(د کابل ښار پوهنې ریاست اړوند د مدرسینو مسلکي پراختیا علمي غړو د ۲۵ بستونو ازموینې په اړه)
پوهنې وزارت، د وړ کسانو ګومارنې او د استخدام په بهیر کې د روڼتیا د تأمین په موخه، د کابل ښار پوهنې ریاست د مدرسینو د مسلکي پراختیا علمي غړو ۲۵ بستونه د ازموینې اخیستلو په موخه اعلانوي.
د استخدام شرایط
۱- د زدهکړو کچه: د بست او څانګې له شرایطو سره سم د عالیه، عالمیه او لېسانس سند لرل؛ د ماسټرۍ او دوکتورا لرونکو ته لومړیتوب ورکول کېږي.
۲- د زدهکړو څانګه: اسلامي علوم او ساینسي علوم؛
۳- د نمرو کچه: د عالمیه دورې لپاره لږ تر لږه د «جید جداً» درجه، د لېسانس لپاره ۷۵ سلنه او د ماسټرۍ او دوکتورا لپاره ۷۰ سلنه نمرې؛
۴- کاري تجربه: د تدریس، ښوونیزې ادارې او ښوونیزې څارنې په برخو کې، د ماسټرۍ لرونکو لپاره لږ تر لږه یو کال او د لېسانس لرونکو لپاره لږ تر لږه درې کلنه کاري تجربه درلودل؛ د دوکتورا لرونکي له کاري تجربې څخه مستثنا دي.
۵- عمر: د مدرسینو د مسلکي پراختیا علمي غړي لپاره لږ تر لږه ۲۵ کاله عمر په پام کې نیول شوی دی.
یادونه
د شرایطو وړ داوطلبان کولای شي، د اعلان له نېټې څخه د ۱۵ ورځو په موده کې، د تابعیت تذکرې، تحصیلي اسنادو، د نمرو ټرانسکرېپټ یا د نمرو د کشف درجې د اثبات اړوندو اسنادو (لکه خلص سوانح، کاري قراردادونه یا د معتبرو مراجعو تصدیقونه) او یوې قطعې عکس سره، د کابل ښار پوهنې ریاست د اسلامي زدهکړو آمریت ته مراجعه وکړي او د غوښتنلیک فورمه په حضوري ډول ترلاسه کړي.
د پوهنې وزارت
د نشراتو او عامه اړیکو ریاست
