له ولایتونو څخه د پوهنې خبرونو لنډیز

media-moe
Wed, Dec 13 2023 2:57 PM
۹۸

کندهار:

په کندهار ولایت کې د پوهنې یوې همکارې ادارې، د یاد ولایت پوهنې ریاست سره په همغږۍ د پنجوايي ولسوالۍ د ملا حسن آخند منځني ښوونځي لپاره د لاسونو مینځلو پروګرام له لارې یوه ژوره څاه، څلور تشنابونه، د لاسونو مینځلو ځایونه او نور اړین ملحقات آماده کړل او د یو لړ مراسمو په ترڅ کې یې ګټې اخیستنې ته وسپارل.

همدارنګه:

د کندهار ولايت پوهنې رئيس الحاج مولوي فخرالدين نقشبندي د یاد ولايت تخته پل ولسوالۍ ته د يو کاري سفر په ترڅ کې، د کډوالو له کمپ څخه ليدنه وکړه او له راستنېدونکو کورنيو سره يې د خبرو پر مهال، د هغوی د اولادونو ته د زده کړو آسانتیاوو برابرولو ډاډ ورکړ.

راستنېدونکو کورنيو د زده کړو په برخه کې د کندهار ولايت د پوهنې له رياست څخه مننه وکړه.

غزني

د غزني ولایت پوهنې رئیس الحاج مولوي میر نصیر احمد حسیني، د اداري چارو له مسئولینو او کارکوونکو سره د لیدنې پرمهال د یاد ریاست د نوي تشکیل په اړه معلومات ورکړل او له هغوی یې وغوښتل، تر څو په ورځنيو چارو کې د پوهنې وزارت کړنې، اداري اصول او قانوني لارې په پام کې ونیسي.

په یاده ناسته کې ګډون والو هم خپلې ستونزې او وړاندیزونه د پوهنې رئیس ته وړاندې کړل او د حل غوښتنه یې وکړه.

تخار

د تخار ولایت پوهنې ریاست د یاد ولایت ینګي قلعه ولسوالۍ له زده کوونکو څخه د امارت پېژندنې ډله ییزه آزموینه واخیسته.

په یاده آزموينه کې د ښوونځيو له اووم تر دولسمو ټولګيو ١٢٠٠ زده کوونکو برخه اخيستې وه او ممتازو زده کوونکو ته کمپيوټرونه، موبايلونه او د مطالعې کتابونه ډالۍ شول.

ننګرهار

د قران کريم د حسن قراءت سيالۍ چې د ننګرهار ولايت د پوهنې رياست له لوري په لاره اچول شوې وې، پایلې یې د يو لړ مراسمو په ترڅ کې د یاد ولايت د پوهنې مشرتابه په حضور کې اعلان شوې.

د ننګرهار پوهنې رئيس مفتي حبيب حضرت حقاني، د برياليو زده کوونکو د مبارکۍ ترڅنګ، پر هغوی بېلابېلې ډالۍ هم ووېشلې.

Latest news

Mon, Mar 10 2025 2:23 PM
Background image

Announcement of the Competitive Exam Results for 8,165 Vacant Teaching and Administrative Positions in the Ministry of Education

The results of the competitive exams for 8,165 teaching and administrative positions (8,086 teaching and 79 administrative) in the Ministry of Education, which were previously conducted. . .

Wed, Feb 19 2025 12:01 PM
Background image

Closing Ceremony of the Scientific and Professional Seminar for Education Directors of Several Provinces

The four-days scientific and professional seminar on enhancing leadership and management capabilities, organized by the Directorate of Structures of the Ministry of Education for 473. . .

Wed, Jan 15 2025 11:01 AM
Background image

Examination Process of Madrassa Students in Logar Province Reviewed by Acting Minister of Education

Alhaj Mawlawi Habibullah Agha, the Acting Minister of Education, who entered Logar Province to carry out a series of educational activities, met with the head and officials of the. . .

BACK TO NEWS