د هرات ښار او ولسوالیو پوهنې آمرینو لپاره روزنیز ورکشاپ جوړ شو
د هرات ولایت د مرکز او ولسوالیو پوهنې مسئولینو لپاره د ۱۴۰۴ ښوونیز کال عملیاتي پلان د موخو تشرېح لپاره یو ورځنی روزنیز ورکشاپ ترسره شو.
د یاد ورکشاپ موخه د عملیاتي پلان په سمه توګه پلي کولو لپاره د پوهنې آمرینو پوهاوي کچې لوړول دي.
د ورکشاپ پرانیستلو پر مهال، د هرات ولایت پوهنې رئیس مولوي رحمت الله جابر د داسې پروګرامونو ترسره کول د پوهنې چارواکو مسلکي وړتیاوو لوړولو لپاره اغېزمن او ګټور وبلل.
د یادونې وړ ده چې دا ورکشاپ د پوهنې ریاست پلان جوړونې او پالیسۍ عمومي مدیریت لخوا تنظیم شوی دی.
