د پوهنې وزارت د علمي څېړنو نوى رئیس معرفي شو
د پوهنې وزارت د علمي څېړنو نوی رئیس محترم مولوي محمدعثمان حريت، د یاد وزارت د کيفيت تضمين معين محترم الحاج مولوي عبدالخالق صادق له لوري د يو لړ مراسمو په ترڅ کې د اړوند ریاست کارکوونکو ته ور وپېژندل شول.
په يادو مراسمو کې د کيفيت تضمين محترم معين د دغه رياست اړوندو کارکوونکو ته د نوي رئیس پېژندګلوۍ ترڅنګ، په دندو او چارو کې پر بشپړ اخلاص، تعهد، ښو اخلاقو، شفقت، همغږۍ، د مسئولیت احساس او اطاعت ټینګار وکړ.
دغه راز نوموړي د علمي څېړنو رياست د پخواني رٸيس محترم مولوي عبدالحق حقاني د تېرو کړنو او خدمتونو ستاينه وکړه او له کارکوونکو يې وغوښتل چې د نوې رٸيس سره هم لکه د پخوا په شان خپلو همکاريو ته دوام ورکړي٠
د پوهنې وزارت د علمي څېړنو نوې رٸيس هم د مشرتابه له باور څخه د مننې ترڅنګ ژمنه وکړه، چې په ټول توان او بشپړ تعهد سره به خپلې نوې دندې ته دوام ورکړي٠
