د خوست ولایت یو شمېر علماءکرامو د پوهنې وزارت له اسلامي زدهکړو محترم معین سره وکتل
د خوست ولایت یو شمېر علماءکرامو د پوهنې وزارت له اسلامي زدهکړو معین محترم الحاج کرامت الله آخندزاده سره وکتل او د علاقې وړ موضوعاتو په اړه یې خبرې وکړې.
لومړی د اسلامي زدهکړو محترم معین مېلمنو ته ښه راغلاست ووایه او د هغوی فعالیتونه یې وستایل، کوم چې د ټولنې د اصلاح په برخه کې خورا ډېر ګټور وو.
ورپسې یو تن دیني عالم د نورو په استازیتوب د پوهنې وزارت له محترم معین سره د لیدنې څخه خوښي څرګنده او د خپلو اړوندو ولایتونو د ښوونیزو او روزنیزو ادارو، په ځانګړي ډول د اسلامي زدهکړو په څانګه کې یو شمېر ستونزې د وزارت له محترم مشرتابه سره شریکې کړې، چې د پوهنې وزارت د اسلامي زدهکړو محترم معین لخوا د وړاندې شویو ستونزو د حل ډاډ ورکړل شو.
