بامیان ولایت کې د سرذولیج منځنی ښوونځی لیسې ته لوړ شو

media-moe
دوشنبه ۱۴۰۰/۱/۲۳ - ۱۶:۳۲
بامیان ولایت کې د سرذولیج منځنی ښوونځی لیسې ته لوړ شو

پوهنې وزارت، بامیان: د بامیان ولایت د یکاولنګ ۲ ولسوالۍ د اوسیدونکو په وړاندیز او زده کونکو ته د اسانتیاو برابرولو په موخه، د یکاولنګ ۲ ولسوالۍ سرذولیج منځنی ښوونځی عالي لیسې ته لوړ شو.

په هغه غونډه کې چې په همدې موخه د نوموړي ښوونځي په انګړ کې جوړه شوې وه، ولایتي چارواکو ، د پوهنې رئیس ، د یکاولنګ ۲ ولسوالۍ ولسوال ، د دولتي ادارو ګڼ شمیر رئیسانو ، دیني عالمانو ، قومي مشرانو، او یو شمیر ښوونکو او زده کونکو ګډون درلود.

په یاده غونډه کې د بامیان والي ، سید انور رحمتي د موضوع په تړاو د سیمه ییزې ادارې د ملاتړ په هکله خبرې وکړې او ژمنه یې وکړه چې د پوهنې په برخه کې به خپلو همکاریو ته دوام ورکوي.

وروسته د پوهنې رئیس وویل: له پلان سره سم او ستونزو ته په کتو سره، ښوونې او روزنې ته د ماشومانو د لاسرسۍ په موخه، خپلې برنامې په ۱۴۰۰ کال کې پلې کوي.

هیره دې نه وي، چې په دغه ښوونځي کې (۵۰۵) زده کوونکي په زده کړو بوخت دي چې

( ۲۶۴)یې نجونې دي او د دې ښوونځي په ارتقا سره زده کوونکي کولی شي تر دولسم ټولګي پورې زده کړې وکړي.

تازه خبرونه

دوشنبه ۱۴۰۰/۲/۲۰ - ۱۸:۴۷
Background image

د پوهنې وزارت سرپرستې سيدالشهدا ليسې څخه ليدنه وکړه

پوهنې وزارت، کابل: نن دوشنبه د پوهنې وزارت سرپرستې د سيدالشهدا ښوونځي له ښوونکو، زده کوونکو او د شهيدانو او ټپيانو له کورنيو سره د غمرازۍ په موخه، يادښوونځي څخه ليدنه وکړه.

په ليدنه کې. . .

دوشنبه ۱۴۰۰/۲/۲۰ - ۱۴:۴
Background image

ننگرهار کې زده کوونکو د سید الشهدا پر ښوونځي شوی خونړی برید په کلکه وغنده

پوهنې وزارت، ننګرهار: د ننګرهار ولایت د بیلابیلو ښوونځیو یو شمیر زده کوونکي د دوی د هم قطارانو په استازیتوب په یوې خبري ناسته کې، د کابل ښار په دیارلسمه حوزه کې د سید الشهدا لیسې دروازې. . .

یکشنبه ۱۴۰۰/۲/۱۹ - ۱۶:۲۷
Background image

مطبوعاتي اعلاميه

څرنګه چې څرګنده ده پرون مازيګر د کابل ښار دشت برچي سيمه کې د سيدالشهدا ښوونځي مخته بريد و شو، چې په پايله کې يې د زده کوونکو په ګډون يو شمير ملکي وګړي شهيدان او ټپيان شول

د پيښې په. . .

BACK TO NEWS