د باميان ولايت یکه و لنګ ولسوالۍ پوهنې ته نوې آمره ور وپيژندل شوه
پوهنې وزارت، بامیان: نسرین محسني د آزادې سیالۍ له لارې د ۷۵ نمرو په اخیستلو سره د یکه و لنګ ولسوالۍ د پوهنې آمریت، د آمرې په توګه وګمارل شوه.
په هغه غونډه کې چې د نوموړې د معرفي په موخه جوړه شوې وه، د بامیان ولایت د پوهنې رئیس محمد ایوب امیري وویل:دا لومړی ځل دی چې یوه میرمنه د پوهنې د آمرې په توګه ګمارل کیږي، دا چاره په حکومت کې د ښځو د ماناداره ګډون په مانا ده او دا لړۍ به همداسې غځیږي.
په دې غونډه کې د یکه ولنګ ولسوال او میرمن محسني د خپلو پلانونو او له پوهنې څخه د ملاتړ په اړه خبرې وکړې.
