د بلخ ولایت په ښوونځیو کې د ۱۰ پروژو عملي چارې پيل شول
په بلخ ولایت کې د ۴۷،۵ میلیونه افغانیو په ارزښت د ۱۰ پروژو عملي چارې د یو لړ مراسمو په ترڅ کې، د پوهنې ریاست مشرتابه، د سیمه ییزو ادارو د مسئولینو، علماوو او قومي مخورو په حضور کې پیل شوې.
په يادو پروژو کې: د دغه ولایت د نهرشاهي، دهدادي، بلخ، چهاربولک، چمتال او زاري ولسوالیو په ښوونځیو کې احاطوي دېوالونه، د څښاک پاکو اوبو څاګانې، د لمریزې برېښنا د سیسټم فعالول او نور ملحقات شامل دي، چې لګښت يې د پوهنې په برخه کې د یو همکار بنسټ له خوا ورکړل شوی دی.
د بلخ ولايت پوهنې رئيس الحاج مولوي عبدالجليل شهيدخېل د يادو پروژو پلي کېدل مهم او حياتي وبلل او د هغو پر ژر پلي کېدو يې ټينګار وکړ.
په پای کې د يادو پروژو عملي چارې د بنسټ ډبرې له اېښودلو سره په رسمي توګه پيل شوې.
