د لوگر ولایت ۴۸ خصوصي دیني مدرسو ته ۱۲۸ نوي استادان ګومارل کېږي
د لوګر ولایت مرکز پل علم اړوند د ۴۸ خصوصي دیني مدرسو له پاره د ۱۲۸ تنو نویو او رسمي استادانو د ګومارلو په موخه ازموینه واخیستل شوه.
دغه ازموینه یوې ځانګړې کمېټې د پوهنې وزارت د هدایت سره سم په تقریري بڼه واخیسته، چې ډېر ژر به یې تحریري ازموینه هم واخیستل شي.
په دې ازموینه کې ۱۲۸ تنو دیني عالمانو او حافظانو ګډون درلود، چې ټول به یې د یوې رڼې پروسې له لارې د استادانو په توګه وګومارل شي.
د افغانستان د ا.ا. د رهبری د حکم له مخې د پوهنې وزارت د لوګر خصوصي دیني مدرسو ته د مدیرانو، استادانو او خدماتي کارکوونکو ۷۱۲ نوي بستونه منظور کړي، چې په راتلونکی به هم د ټولو ولسوالیو د خصوصي دیني مدرسو له پاره ورته ازموینه واخیستل شي.
