د پوهنې وزارت د دعوت او ارشاد ریاست پلاوي نورستان ولایت ته رسمي سفر وکړ
![صثقف](/sites/default/files/2024-08/457494417_487138270980768_1036376328949839435_n.jpg)
د مولوي محمد نعیم عمیر په مشرۍ د پوهنې وزارت د دعوت او ارشاد ریاست پلاوی د یو لړ رسمي چارو ترسره کولو په موخه نورستان ولایت ته ولاړ او د یاد ولایت له پوهنې رئیس الحاج مولوي تاج محمد مطمئن، پوهنې مسئولینو او د ښوونیزو بنسټونو له آمرینو سره یې وکتل.
په پیل کې یاد پلاوي د خپل سفر اساسي موخې بیان کړې او له مسئولینو یې وغوښتل، چې ورځنۍ دندې د الله تعالی د رضا لپاره ترسره او خپل صورت او سیرت د اسلام د ستر پیغمبر حضرت محمد «صلی الله علیه وسلم» په سنتو برابر کړي.
همدارنګه نوموړي په آمریتونو او ښوونځیو کې له مؤظفو مبلغینو څخه وغوښتل، تر څو هره ورځ د نیم ساعت لپاره دیني مسایل کارکوونکو ته توضېح کړي.
له بلې خوا د نورستان پوهنې رئیس ياد ولايت ته د ورغلي پلاوي له سفر څخه د هرکلي ترڅنګ، د دعوت او ارشاد ریاست د ټولو لارښوونو او پلانونو د پلي کېدو ډاډ ورکړ.