د پوهنې وزارت د ښوونې او روزنې محترم معین یو شمېر ولایتونو ته رسمي سفر وکړ
د پوهنې وزارت د ښوونې او روزنې د معین محترم شیخ عبدالمالک حقاني په مشرۍ پلاوي د تعلیمي وضعیت ارزونې او د ۱۴۰۵ لمریز کال د منظور شوي عملیاتي پلان د تطبیق د څرنګوالي څېړنې په موخه، کندهار، ارزګان، هرات، فراه او نیمروز ولایتونو ته سفر وکړ.
پلاوی د خپل سفر په پیل کې کندهار ولایت ته لاړ او هلته یې د یاد ولایت د پوهنې رئیس محترم شیخ مولوي حمیدالله داوود او اړوندو مسوولینو سره د کاري بهیر لاښه والي په موخه غونډه وکړه.
په پیل کې د پوهنې وزارت د ښوونې او روزنې معین د علم او پوهې پر ارزښت خبرې وکړې او د یاد ولایت له پوهنې مسوولینو یې وغوښتل، چې د پلاوي د سفر د پروګرامونو د تطبیق او د فعالیتونو د ارزونې په برخه کې لازمه همکاري وکړي.
نوموړي ولایتونو ته د سفر موخې د عملیاتي پلانونو د تطبیق څرنګوالی، د تعلیمي برخو د علمي غړو او د ښوونکو د مسلکي پراختیا فعالیتونو څارنه او ارزونه، د رشتو له مخې د ډلبندي شویو ښوونځیو ارزونه او د خصوصي زدهکړو د برخې د فعالیتونو څارنه وبلله.
