د پوهنې وزارت سرپرست پکتیا ولایت ته په رسمي سفر ولاړ

media-moe
سه‌شنبه ۱۴۰۳/۴/۱۲ - ۹:۱۹
dsfgsd

د پوهنې وزارت سرپرست الحاج مولوي حبیب الله آغا د هېواد د ولایتونو د ښوونیز او روزنیز وضعیت د ارزونې په موخه، نن له خپل یو پلاوي سره پکتیا ولایت ته ورسېد.
 په پیل کې د پوهنې وزارت سرپرست د یاد ولایت د پوهنې ریاست له مرکزي دفتر څخه لیدنه وکړه او د دغه ریاست له مشرتابه او کارکوونکو سره یې وکتل.
د یاد ولایت پوهنې رئیس د پوهنې وزارت د سرپرست له ورتګ څخه د هرکلي ترڅنګ، د دغه ریاست د کارونو او کړنو په تړاو معلومات وړاندې کړل.
ورپسې د پوهنې وزارت سرپرست د پوهنې ریاست مسئولین او کارکوونکي خپلو اساسي مسئولیتونو ته متوجې کړل.
 په ورته مهال د پوهنې وزارت پلاوی، په داسې حال کې چې د پوهنې ریاست مسئولینو یې ملتیا کوله، د یاد ولایت د ببرک خان ځدراڼ عالي لېسې او مرکزي دارالاېتام په ګډون له یو شمېر ښوونځیو څخه لیدنه وکړه او هغوی ته یې د پوهنیزو آسانتیاوو په اړه، چې د هېواد بچیانو د علمي وړتیاوو لوړولو په موخه د پوهنې وزارت لخوا چمتو شوې دي، معلومات ورکړل.
 ورپسې د پوهنې وزارت سرپرست د پکتیا ولایت مقام ته تشریف یوړ او د یاد ولایت  له والي مولوي مهرالله حماد او د علماوو شورا له رئیس شیخ مولوي صالح محمد فقیر سره یې وکتل.
 په دې کتنه کې د یاد ولایت د پوهنیز وضعیت د پیاوړتیا او لاښه والي په تړاو هراړخیز بحثونه ترسره شول.
دغه راز د ولایت مقام رهبرۍ او د علماوو شورا، د پوهنې وزارت د پلانونو د ملاتړ سربېره، د پوهنې وزارت سرپرست ته د دغه وزارت د پلانونو د عملي کولو ډاډ ورکړ.
همدارنګه د یاد سفر د آجنډا له مخې، نوموړي د یاد ولایت له مشرانو او شیعه علماوو سره هم وکتل.
 يادو علماوو هم د پوهنې وزارت کړنې وستايلې او د هېواد له تعليمي پلانونو يې خپل ملاتړ څرګند کړ.

تازه خبرونه

یکشنبه ۱۴۰۴/۶/۹ - ۱۵:۵۳
Background image

په غزني ولایت کې د ۲ بابه ښوونځیو زده‌کوونکي د څښاک پاکو اوبو له اسانتیاوو برخمن شول

د غزني ولایت اندړو ولسوالۍ اړوند په پناه منځني ښوونځي او علي هجوري عالي لېسه کې، د ښوونځیو شوراګانو په همکارۍ د څښاک پاکو اوبو دوه څاګانې تر کیندلو وروسته ګټې اخیستنې ته وسپارل شوې.

د. . .

یکشنبه ۱۴۰۴/۶/۹ - ۱۵:۵۲
Background image

تطبیق امتحانات معیاری از سوی هیئت وزارت معارف در ولایت پروان

هیئتی ریاست ارزیابی نتایج و امتحانات معیاری وزارت معارف، به ولایت پروان سفر نموده و با مسئولین معارف آن ولایت دیدار و گفتگو نمود.

این هیأت قرار است در ۵۳ باب مکتب آن ولایت، امتحانات. . .

یکشنبه ۱۴۰۴/۶/۹ - ۱۵:۵۰
Background image

د پروان ولایت یوې لېسې ته درسي کتابونه توزېع شول

یوې خیریه ادارې چې د پوهنې سره کار کوي، د پروان ولایت سیدخېل ولسوالۍ اړوند د ظابط قاسم لېسې زده‌کوونکو ته د مختلفو مضامینو ۵۶۷ ټوکه درسي کتابونه ځانګړي کړل.

چارواکو په خپلو ویناوو کې. . .

BACK TO NEWS