د کابل ښار یو شمېر تعلیمي حوزو د دعوت او ارشاد نوي آمرین معرفي شول
د پوهنې وزارت د دعوت او ارشاد ریاست له لوري، د کابل ښار اړوند اوومې، اتمې، لسمې او پنځلسمې تعلیمي حوزو د نویو آمرینو پېژندګلوۍ مراسم د پوهنې مسوولینو په حضور کې ترسره شول.
د پوهنې وزارت د دعوت او ارشاد ریاست مرستیال مفتي محمد ذاکر محمد په خپلو خبرو کې د دعوت او ارشاد پر ارزښت او اغېزمن رول ټینګار وکړ او له مسئولینو او کارکوونکو یې وغوښتل چې د دعوت او ارشاد د موخو د تحقق لپاره له نویو آمرینو سره بشپړه همکاري وکړي.
همدارنګه، د دعوت او ارشاد ریاست مدرس استاد قدرت الله نوري د راتلونکو فعالیتونو کاري پلان او د تعلیمي مرکزونو د څارنې او ارزونې کړنلاره تشرېح کړه او د دیني او روزنیزو پروګرامونو د اغېزمن تطبیق په برخه کې یې پر ګډې همکارۍ ټینګار وکړ.
