له مرکز او لایاتو څخه د پوهنې لنډ خبرونه

media-moe
چهارشنبه ۱۴۰۱/۱۱/۵ - ۱۳:۱۷
له مرکز او لایاتو څخه د پوهنې لنډ خبرونه.

د کابل ښار د پوهنې ریاست :
د کابل ښار د پوهنې رئیس مولوي احسان الله خطاب د ۱۴۰۲ کال د تشکیلاتي طرحې د جوړولو او د بودیجې د ترتیبولو په موخه له اړوندو آمرینو سره غونډه وکړه.
نوموړي د متخصصینو د کاري ګروپونو په جوړولو سره هغوی ته لارښوونه وکړه چې د لومړیتوبونو او اړتیاوو په پام کې نیولو سره د دې ادارې تشکیلاتي پلان چمتو کړي، ترڅو د نورو اقداماتو لپاره وزارت ته وسپارل شي.
نورستان:
د نورستان ولایت د سواد زده کړې آمر ګلبدین موحد د یوې غونډې په ترڅ کې له خپلو کارکوونکو څخه وغوښتل، چې د هېوادوالو د سواد د عامولو او ژورتیا په برخه کې له هیڅ ډول هڅو لاس وانخلي.
پکتیکا:
د پکتیکا ولایت په ګیان ولسوالۍ کې د یونیسف د سیمه ییز دفتر مسوولینو تر خپل کنترول لاندې د سیمه ییزو او چټکو زده کړو د ټولګیو د ښوونکو لپاره د ظرفیت لوړونې ۱۲ ورځنی سیمینار جوړ کړ.
کندهار:
د کندهار ولايت د شاولي کوټ ولسوالۍ د پوهنې آمر حاجي محمود د دې ولسوالۍ د خان لېسې له اداري او تدريسي چارو څخه ليدنه وکړه او د يادې لېسې د ادارې د ښو کارونو له امله له هغوی څخه مننه وکړه.
ننګرهار:
د ننګرهار ولايت یو تن خیرخواه شخصیت نورخان د دغه ولايت د مومندرې ولسوالۍ د غورک د لومړني ښوونځي د زده کوونکو لپاره سپينې تختې، کتابونه، کتابچې او نور درسي توکي چمتو کړي دي.

تازه خبرونه

چهارشنبه ۱۴۰۳/۳/۲ - ۱۱:۴۲
Background image

د ولایتونو پوهنې کړنو ته لنډه کتنه

بلخ
يو خيريه بنسټ، د بلخ ولايت د ښوونځيو له یوزره ۴۷۵ تنو زده کوونکو سره د ۳ میلیونه ۶۸۷ زره ۵۰۰ افغانيو په ارزښت، د بکسونو او درسي توکو مرسته وکړه، چې د یاد ولايت د پوهنې رياست د. . .

چهارشنبه ۱۴۰۳/۳/۲ - ۱۱:۲۹
Background image

د لوګر ولایت په ښوونځیو کې د درسي کتابونو د ساتنې په اړه د پوهاوي کمپاین پیل شو

د درسي کتابونو د ساتنې او پالنې په موخه، د لوګر ولایت په مرکز پل علم ښار کې د «درسي کتابونه ملي شتمني ده او باید وساتل شي» تر سرلیک لاندې په ۱۶ بابه ښوونځیو کې د پوهاوي کمپاین پیل شو.

. . .
چهارشنبه ۱۴۰۳/۳/۲ - ۱۰:۵۰
Background image

د پوهنې وزارت د کیفیت تضمین معین د غور ولایت له والي او سېلاب ځپلو کورنیو سره وکتل

د پوهنې وزارت د کیفیت تضمین معین الحاج مولوي عبدالخالق صادق او ورسره مل پلاوی، د یو لړ ښوونیزو او رزونیزو چارو د څېړنې په موخه غور ولایت ته ورسېد.
د پوهنې وزارت معین په داسې حال کې چې د. . .

BACK TO NEWS