دننګرهار پوهنې ریاست او احصایې او معلوماتو ادارې تر منځ د همکارۍ تړون لاسلیک شو

دپوهنې وزارت، ننګرهار: دننګرهار والي ضیا الحق امرخیل په لارښوونه د ننګرهار پوهنې ریاست او د احصایې او معلوماتو ادارې تر منځ د همکاریو تړون لاسلیک شو .

په هغه غونډه کې چې په همدې موخه د ننګرهار ولایت په مقام کې جوړه شوي وه، دپوهنې رییس حسیب الله شینواري وویل: دننګرهار د والي په لارښوونه پوهنې ریاست به د احصایې او معلوماتو ادارې کارکوونکو ته د جلال اباد ښار په دریمه ناحیه کې د عالي دارالمعلمین په ودانۍ کې ښوونکو او د پوهنې ریاست اړوند نورو کارکوونکوو ته دبریښنایې پېژندپاڼو د ویش په موخه اسانیتاوې برابروي او دغه راز به په ولسوالیو کې د فورمو ډکولو په موخه له هرې ولسوالۍ څخه دوه دوه تنه دڅارنې غړي ورمعرفي کوي.

همدارنګه د احصایې او معلوماتو ادارې مشر عبدالمالک سلیمانزي وویل اداره به یې په ننګرهار کې د ښوونکو لپاره د بریښنایي پېژندپاڼو ویش له همدې دفتره پیلیږي او په پام کې ده چې پوهنې ریاست اړوند ټولو کارکوونکو ته بریښنایي پېژند پاڼې وویشل شي .

نوموړي وویل اداره به یې د پوهنې ریاست له لورې دوې ته له ولسوالیو څخه ورپېژندل شویو کارکوونکو ته روزنه ورکوي.