پوهنې وزیر ډاکتر بلخي؛ د ښوونیز پرمختګ لپاره پوهنې خصوصي سکتور ته وده ورکول، د پوهنې لسیزې له موخو څخه دي
پوهنې وزارت- کابل: د پوهنې وزیر ډاکتر محمدمیرویس بلخي د هوشمند نوین خصوصي لیسې له مدیر، ښوونکو او د افغانستان راتلونکي جوړونې ملي ټولنې سره په لیدنه کې د پوهنې خصوصي سکتور ته وده ورکول یوه آړتیا او د پوهني لسیزي له موخو څخه یاده کړه. د پوهنې وزیر دا لیدنه د ولسې لیدنو په لړ کې تر سره شوه.
ډاکتر بلخي همدارنګه د خصوصي ښوونځيو د مقررې جوړونې کار څخه یادونه وکړه او دولتي او خصوصي ښوونځيو ته د پوهنې وزارت مشرتابه په یو شان پاملرنې ټینګار وکړ.
پوهنې وزیر همدارنګه وویل چې د مدني ټولنو فعالان د پوهنې کورني په شان باید له مونږ سره همکار او د ښوونې او روزنې د کارونو لیدونکي واوسي.
په دې لیدنه کې د هوشمند نوین خصوصي ښوونځي مدیر او د افغانستان راتلونکي جوړونې ټولنې رئیس سید جلال هوشمند د پوهنې وزیر له مثبتو کارونو او راغلو اصلاحاتو څخه ستاینه وکړه او د پوهنې وزارت سره يي پر همکاري ژمنه وکړه.
