پوهنې وزیر د ناروې هیواد لپاره د افغانستان له سفیر سره وکتل
پوهنې وزارت- کابل: پوهنې وزیر ډاکتر محمدمیرویس بلخي د ناروې هیواد لپاره د افغانستان له سفیر یوسف غفورزي سره د لیدنې ترڅنګ د ګډو همکاریو په اړه خبرې اترې وکړې.
دا لیدنه چې د پوهنې وزارت په کوربه توب تر سره شوه، داکتر بلخي د ښوونې او روزنې په برخه کې د ناورې هیواد له اغیزمنو همکاریو څخه یادونه وکړه او په نورو هیوادونو کې د هیواد ښوونې او روزنې لپاره د افغانستان سیاسي څانګو په ډيره پاملرنه ټینګار وکړ.
پوهنې وزیر همدارنګه د ناروې هیواد لپاره د افغانستان له سفیر څخه وغوښتل چې د مشارکت، نصاب پیژندونکو متخصصینو استولو او د محرومو او لرې پرتو سیمو ښوونکو لپاره د مرسته شویو معاشونو په برخه او همدارنګه په افغانستان کې د ۸۰۰۰ هغو ښوونځيو ودانیو جوړولو په موخه چې ودانۍ نلري مرسته وکړي.
یوسف غفورزي په دې لیدنه کې د پوهنې وزیر د کړنو ستایلو ترڅنګ، ژمنه وکړه چې د افغانستان ماشومانو ښوونیزو خدمتونو ښه والي په ګټه به په یادو برخو کې د پوهنې وزارت سره همکاري وکړي.
