د لوګر د کانکور راتلونکې ازموینې ته ۳۴۰۰ تنو خپل نومونه ثبت کړي
د پوهنې وزارت_لوګر: په لوګر ولایت کې د ۳۶۰ نجونو په ګډون ۳۴۰۰ تنو د کانکور راتلونکې ازموینې ته خپل نومونه لیکلي دي.
په دې تړاو جوړو شویو مراسمو کې د پوهنې سرپرست رئیس نثار احمد سیدي، د مالي چارو آمر وزیر احمد مهمند د نتایجو او شهادتنامو مدیر عبدالباسط عابد برخه اخیستې وه.
سږ کال له شاوخوا ۷۰ لېسو نه د ۵۲۳ نجونو په ګډون ۴۱۲۴ زده کوونکي له دولسمو ټولګیو څخه فارغ شوي دي.
د فارغو شویو له منځه د ۳۶۰ نجونو په ګډون ۳۴۰۰ تنو د کانکور ازموینې ته د ګډون فورمې ډکې کړې دي.
د نوموړو داوطلبانو له ډلې ۳۱۰۰ د سږ کال د دولسمو ټولګیو فارغین او پاتې ۳۰۰ نور یې د تېرو کلونو متفرقه دي.
د لوګر د پوهنې سرپرست رئیس نثار احمد سیدي وایي، چې ډېر ژر به د کانکور ازموینې ګډونوالو ته روزنیز پروګرامونه جوړ کړي.
د پوهنې سرپرست رئیس د کانکور ازموینې له ټولو ګډونوالو د درسي کتابونو د بیا مطالعې او د درسونو د تکرار غوښتنه وکړه.
د یادونې وړده،چې تېر کال د لوګر د کانکور ازموینې ته د ۲۵۰ نجونو په ګډون ۳۰۲۰ تنو خپل نومونه ثبت کړي وو.
