د پوهنې وزارت د اسلامي تعلیماتو معین په کابل کې د حاجي چمن دارالعلوم څخه لیدنه وکړه
نن ورځ سه شنبه(۲۷/۱۲/۱۴۴۳هـ ق-۴/۵/۱۴۰۱هـ ش) د پوهنې وزارت د اسلامي تعلیماتو معین الحاج مولوي کرامت الله اخندزاده، په داسي حال کې چې د یاد وزارت د دارالعلومونو رئیس مولوي عبدالقدوس هم ورسره ملګری وو، په کابل کې د حاجي چمن دارالعلوم له مسئولینو، استادانو او زده کوونکو سره له نږدې ولیدل، د څلورنیم میاشتنۍ ازموینې د صحنې نظارت یې وکړ، د دارالعلوم د مسئولینو وړاندیزونه یې واورېدل اوله هغوی سره یې اړین هدایات شریک کړل.
همدارنګه د پوهنې وزارت د دارلعلومونو رئیس مولوي عبدالقدوس د سیدمنصور نادري له دارالعلوم څخه لیدنه وکړه او د یاد دارالعلوم مسئولینو ته یې د اړوندو چارو په هکله اړینې لارښوونې وکړې.
