د فاریاب ولایت ښوونځیو ته د ۹۰ میلیونه افغانیو په ارزښت درسي مرستندویه توکي ووېشل شول
د فاریاب ولایت د ښوونځیو زدهکوونکو او ښوونکو ته د څه باندې ۹۰ میلیونه افغانیو په ارزښت ټولټال ۱۵ زره او ۷۷۸ کڅوړې قرطاسیه او درسي مرستندویه توکي ووېشل شول.
د یاد ولایت پوهنې مسوولینو په وینا، په دغو مرستو کې د ښوونکو لپاره ۵ زره او ۹۲ کڅوړې درسي مرستندویه توکي، د زدهکوونکو لپاره ۱۰ زره او ۱۸۴ کڅوړې قرطاسیه، ښوونیز بکسونه او نور اړین توکي او همدارنګه د ښوونځیو لپاره ۵۰۲ اداري کڅوړې شاملې دي.
یادې مرستې د پوهنې له یوې همکارې ادارې څخه د فاریاب ولایت پوهنې ریاست ته ورکړل شوې او په منظم ډول د دغه ولایت پر ښوونکو او زدهکوونکو ووېشل شوې.
