پوهنې وزیر لغمان ولایت ته سفر وکړ
پوهنې وزارت- لغمان: پوهنې وزیر ډاکتر محمدمیرویس بلخي د لغمان ولایت د ښوونې او روزنې حالت څیړلو او زده کوونکو ته د ښوونیزو خدمتونو وړاندې کولو څرنګوالي په اړه یاد ولایت ته سفرکړۍ دي.
په دې یو ورځني سفر کې پوهنې وزیر د لغمان ولایت د خلکو او چارواکو له تود هرکلي سره مخامخ شو.
د یادونې وړ ده چې په دې سفر کې پوهنې وزیر سره د کلیو پراختیا او بیارغونې وزیر مجیب الرحمن کریمی هم مل دي.
په دې سفر کې د پوهنې وزیر مشرتابه د یاد ولایت له چارواکو او مسئولینو سره لیدنه او د پوهنې ریاست کارکوونکو، ښوونکو او د یاد ولایت له یو شمیر مخورو سره خبرې وکړې
همدارنګه پوهنې وزیر د سلطان غازي بابا ښارګوټي د نجونو مینځني ښوونځي څخه هم لیدنه وکړه.
د سفر په ترڅ کې به د لغمان پوهنې ریاست نوې ودانۍ پرانستل شي او همدارنګه په لغمان ولایت کې به د پوهنې وزارت مشرتابه له لوري د څلور بابه ښوونځيو د بنسټ ډبره هم کیښودل شي.
ډاکتر بلخي، د پوهنې وزارت مشرتابه په ټول افغانستان کې د یوه معیاري ښوونې او روزنې جوړلو په لاره کې، ولایتونو ته سفر کوي او له نژدې د ښوونې او روزنې حالت څیړي.
